CANOLFAN MILENIWM CYMRU : FFWRNAIS
Rwy’n falch iawn o rannu’r prosiect diweddar’ dwi wedi bod yn gweithio arno. Efallai bod rhai ohonoch yn ymwybodol o Ganolfan Mileniwm Cymru ym mae Caerdydd. Canolfan gelf genedlaethol Cymru a agorodd ei drysau yn 2004. Mae’n cynnwys theatr fawr a dwy neuadd lai gyda siopau, bariau a bwytai. Mae’n gartref i gerddorfa genedlaethol Cymru a chwmnïau opera, dawns, theatr a llenyddiaeth, cyfanswm o wyth sefydliad celfyddydol preswyl.
Os ydych chi wedi ymweld â’r ganolfan yn ddiweddar byddwch wedi sylwi bod y cyntedd wedi cau, gan guddio yr hen ddesg docynnau. Mae’n bleser gen i ddweud eu bod wrthi’n diweddaru’r ardal hon i’w gwneud yn fan agored i bawb. Lle i gael diod cyn perfformiad, lle i gydweithio, lle i ymlacio os yn ymweld â bae Caerdydd, man newydd i chi ymlacio.
Dechreuodd y sgyrsiau sbel yn ôl, ond wrth i ni symud ymlaen cefais fy nghomisiynu i ddylunio clustogau a fyddai’n cael eu gwasgaru o amgylch y gofod newydd, ynghyd â chynlluniau papur a darnau wedi’u gwehyddu â llaw; prosiect mawr i mi. Cefais wybod am y palet lliw ar gyfer y gofod, felly nawr roedd yn fater o ddylunio brethyn a fyddai'n addas ar gyfer y clustoag.
Cyn gynted ag y gofynnwyd i mi weithio ar y prosiect, cefais syniad clir am dyluniadau y gwaith. Edrychais yn ôl ar waith roeddwn i wedi’i wneud o amgylch Baneri Signalau Morwrol (Maritime Signal Flags), ac fel erioed roeddwn wedi fy swyno gan y syniad o gyfathrebu trwy siâp a dyluniad. Penderfynais ganolbwyntio ar WMC- Wales Millennium Centre, CMC- Canolfan Mileniwm Cymru, a chod cofrestru CF- Fishing Boat Caerdydd. Uchod mae'r pedair llythyren a ddefnyddiais fel ysbrydoliaeth ar gyfer fy ngwaith dylunio
Ar ôl samplu ar fy ngwŷdd, daeth y penderfyniad yn eithaf cyflym. Cynhyrchwyd y ffabrig ym Melin Wehyddu Bryste ac o fewn ychydig fisoedd, roedd y clustogau yn ôl yng Nghaerdydd yn barod i'w gwasgaru o amgylch y gofod newydd. Roeddwn wrth fy modd gyda'r pedwar dyluniad ar gyfer y clustogau, ac yn meddwl bod y newid cynnil rhwng blaen a chefn pob dyluniad yn gweithio'n dda, gan olygu bod wyth dyluniad gwahanol.
Amrywiaeth o luniau a fideos yma yn dangos y gofod newydd. Os ydych chi ym Mae Caerdydd, ewch i Ganolfan Mileniwm Cymru a mwynhewch y gofod.
Lluniau gan : Michael Franke
